کوئٹہ (این این آئی)پاکستان میں پہلی مرتبہ ہیضے کی ویکسین سرکاری طور پر متعارف کروا دی گئی، چیف سیکرٹری بلوچستان نے کوئٹہ میں بچوں کو
ویکسین پلا کر پانچ روزہ مہم کا افتتاح کیا۔پاکستان میں ہیضے کی سرکاری سطح پر ویکسی نیشن کا آغاز بلوچستان سے ہوا، صوبے کے 8 اضلاع کی 37 ہائی رسک یونین کونسلوں میں انسداد ہیضہ ویکسی نیشن مہم 29 جولائی تک جاری رہے گی۔ 7 لاکھ 50 ہزار بچوں کو ہیضے سے بچاؤ کے قطرے پلائے جائیں گے۔
