لاہور ( سپورٹس نیوز ) شاندار یادیں تازہ کرنے کا موقع ، وزیراعظم پاکستان عمران خان 1992 ورلڈکپ کی فاتح ٹیم کے کپتان تھے، جبکہ موجودہ چیئرمین پی سی بی رمیز راجہ بھی اس ٹیم کا حصہ تھے۔۔۔۔پاکستان کرکٹ بورڈ (پی سی بی) نے ورلڈکپ 1992 کی
سالگرہ جوش و خروش سے منانے کا فیصلہ کیا ہے۔ پی سی بی کا کہنا ہے کہ 25 مارچ کی مناسبت سے ورلڈکپ 1992 کی ٹرافی کل قذافی سٹیڈیم میں رکھی جائے گی۔ انکلوژرز میں بیٹھے شائقین کرکٹ ٹرافی کے ساتھ سیلفیز اور تصاویر بنوا سکیں گے۔اسی طرح ورلڈکپ 1992 کی ٹرافی کل پاکستان اور آسٹریلیا کے ڈریسنگ روم میں بھی جائے گی۔ ورلڈکپ 1992 کے فائنل کی تصویری جھلکیوں پر مشتمل سلائیڈ شو بھی جاری کیا جائے گا۔
