علی ظفر بھی زمبابوے کے صدر کی ٹوئیٹ پر بول پڑے

Spread the love

لاہور ( وی او پی نیوز ) پاکستان کی کرکٹ ٹیم ٹی ٹوئنٹی ورلڈ کپ میں زمبابوے سے میچ کیا ہاری ، ہر طرف تبسروں کی بھرمار شروع ہو گئی جس میں زمبابوے کے صدر نے بھی حصہ لیا .گزشتہ روز زمبابوے کرکٹ ٹیم کے ہاتھوں پاکستان کو شکست ہوئی تھی اس کے بعد زمبابوے کے صدر ایمرسن ڈمبڈزو نانگاگوا نے ٹوئٹر پر ایک پیغام جاری کرتے ہوئے اپنی ٹیم کو پاکستان کے خلاف جیت کی مبارکباد دی۔اس ٹوئٹ میں زمبابوے کے صدر نے پاکستان کو پیغام دیتے ہوئے یہ بھی تحریر کیا تھا کہ ’آئندہ اصلی مسٹر بین بھیجیں‘۔

اس ٹوئٹ پر ویزر اعظم شہباز شریف نے بھرپور جواب دیا اور اب ان کے بعد گلوکارعلی ظفر نے بھی ردِ عمل دیا ہے۔ علی ظفر نے اپنے ٹوئٹ میں قومی ٹیم کے لیے نیک خواہشات اور جیتنے کے عزم کا اظہار کرتے ہوئے لکھا ہے کہ پاکستان کی ٹیم یہاں سے واپس اپنی کارکردگی بہتر بنائے گی، دیکھ لینا اگلے میچ میں بابر اعظم اور محمد رضوان بہترین کھیل پیش کریں گے۔واضح رہے کہ اس سے قبل شہباز شریف نے زمبابوین صدر کو جواب دیتے ہوئے لکھا تھا کہ” ہمارے پاس اصلی مسٹر بین نہیں لیکن ہمارے پاس اصل کرکٹ کا جذبہ ہے۔وزیراعظم شہباز شریف نے خوشگوار انداز میں مزید لکھا کہ ہم پاکستانیوں کو واپس آنے کی مضحکہ خیز عادت ہے”۔


Comments

Leave a Reply

Your email address will not be published. Required fields are marked *

%d bloggers like this: