106

وزیراعظم کیخلاف تحریک عدم اعتماد پر چین کا موقف بھی سامنے آگیا

Spread the love

اسلام آباد (نیوز رپورٹ )وزیراعظم عمران خان کے خلاف اپوزیشن کی تحریک عدم اعتماد پر چین کا موقف بھی سامنے آگیا ہے ۔چینی وزارت خارجہ کی پریس بریفنگ کے دوران وزیر اعظم عمران خان کے خلاف اپوزیشن کی تحریک عدم اعتماد سے متعلق خبررساں ایجنسی نے سوال کیا کہ پاکستان میں قیادت

کی تبدیلی سے پاک چین تعلقات متاثر ہوسکتے ہیں؟ جس پر چینی وزارت خارجہ کے ترجمان نے کہا کہ چین دوسرے ممالک کے اندرونی معاملات میں عدم مداخلت کے اصول پر عمل پیرا رہتا ہے۔ چینی ترجمان وانگ وین بن نے مزید کہا کہ پاکستان چین کا تمام موسموں کا سٹریٹجک شراکت دار اور دوست و ہمسایہ ملک ہے۔ چین امید رکھتا ہے کہ پاکستان میں تمام فریقین یکجہتی برقرار رکھ سکتے ہیں۔ چین کو امید ہے کہ فریقین مشترکا طور پر پاکستان میں ترقی و استحکام برقرار رکھ سکتے ہیں۔

اس خبر پر اپنی رائے کا اظہار کریں

اپنا تبصرہ بھیجیں