لاہور( نیوزڈیسک) بالی ووڈ کی ایک اور فلم میں پاکستان کو موضوع بنا لیا گیا ہے اوراب کی بار پاکستان کے ایٹمی پروگرام کو موضوع بنانے کی انتہائی بھونڈے انداز میں بھونڈی حرکت کی گئی ہے جس کی جس قدرمذمت کی جائے کم ہے اور ٹوئیٹر پرمذمت کا سلسلہ شروع ہو بھی چکا ہے.بالی وڈ کی جس فلم میں یہ بھونڈی حرکت کی گئی ہے اس کا نام ” مشن مجنوں” ہے ، فلم ’مشن مجنوں‘ پر ٹوئٹر صارفین نے سوشل میڈیا پر دلچسپ میمز کے انبار لگا دیے ہیں۔
Mission Majnu. pic.twitter.com/5ug2gXGqiq— Taimoor Zaman (@taimoorze) January 10, 2023
اداکار سدھارتھ ملہوترا کی اس فلم کے ٹریلر نے ریلیز ہوتے ہی پاکستانی صارفین کو اپنی طرف متوجہ کرلیا ہے۔جیسے ہی سدھارتھ ملہوترا نے اپنے سوشل میڈیا اکاؤنٹس پر اس فلم کا ٹریلر شیئر کیا، پاکستانی صارفین نے اس پر دلچسپ تبصروں اور میمز کے ڈھیر لگا دیے۔ بعض صارفین بھارتی فلموں میں دکھائے جانے والے مسلمانوں کے حلیے اور گفتگو کے انداز پر مذاق اُڑاتے جبکہ بعض صارفین فلم کی کہانی میں تاریخ پنوں کو توڑ مروڑ کر پیش کرنے پر بھارتی فلم رائٹرز، پروڈیوسرز اور ڈائیریکٹرز پر تنقید کرتے نظر آرہے ہیں۔یہ فلم رواں ماہ 19 جنوری کو ریلیز ہو گی.اس فلم کی کہانی ایک امن دیپ سنگھ نامی ایک ایسے بھارتی ایجنٹ کے گرد گھومتی ہے جسے یہ معلومات اکٹھی کرنے کی ذمہ داری لگائی گئی ہے کہ پاکستان کو ایٹم بم بنانے کے لیے مدد کون فراہم کررہا ہے۔ٹوئیٹر صارفین نے فلم کے موضوع اور ٹریلر کو آڑے ہاتھوں لیا ہے اور فلم کے رائیٹر ، پروڈیوسر ، ڈائریکٹر اور اداکار کو خوب کھری کھری سنائی ہیں .
*Bollywood exists*
Muslims:#DeshKeLiyeMajnu pic.twitter.com/SyKQZyHl7M— Asim khan (@asimkhan771) January 11, 2023
