لاہور ( وی او پی نیوز ) ملک کی موجودہ سیاسی صورتحال کو مد نظر رکھتے ہوئے مسلم لیگ (ق) نے اہم قدم اٹھا لیا اور سیاسی اور معاشی عدم استحکام پر آل پارٹیز کانفرنس (اے پی سی) بلانے کا فیصلہ کیا ہے۔ چند ہفتے قبل عوامی نیشنل پارٹی کی طرف سے بھی اے پی سی بلائی گئی تھی۔ “جنگ
” کے مطابق ذرائع کا کہنا ہے کہ مسلم لیگ (ق) نے تحریک انصاف (پی ٹی آئی) کو بھی اے پی سی میں شرکت کی دعوت دینے کا فیصلہ کیا ہے۔ اے پی سی میں تمام سیاسی جماعتوں کو دعوت دی جارہی ہے۔سیاسی جماعتوں سے مشاوت کے بعد اے پی سی کی تاریخ طے کی جائے گی۔
