جماعت اسلامی نے لاہور میں ملین مارچ کا اعلان کر دیا

لاہور ( وی او پی نیوز ) امیر جماعت اسلامی نےاسلام آباد میں خطاب کے دوران لاہور میں  19 نومبر کو ملین مارچ کا اعلان کر دیا ۔ سراج الحق نے کہا ہے کہ ہم غزہ کے مسلمانوں کے ساتھ کھڑے ہیں، اگلا ملین مارچ 19 نومبر کو لاہور میں ہوگا۔ ہم نے امریکی سفارت خانے کے سامنے احتجاج کا اعلان کیا۔ غزہ میں اسکول اور اسپتال نشانہ بنائے جارہے ہیں، جب تک ظلم ختم نہیں ہوتا، اسرائیل کی دہشت گردی ختم نہیں ہوتی تب تک یہ تحریک جاری رہے

گی۔ افسوس ہے مسلمان حکمرانوں نے امریکا کی طرف دیکھنا شروع کیا، حکمرانوں کا کام غزہ دوائی یا کھانا پہنچانا نہیں بلکہ اُن کا کام وہاں کے عوام کو بچانا ہے۔سراج الحق نے یہ بھی کہا کہ ہمارے مسلمانوں حکمرانوں نے اپنی ذمے داری پوری نہیں کی، چند دنوں میں 7 ہزار سے زائد فلسطینیوں کو شہید کیا گیا۔ترکیے کے صدر نے اسرائیل کو زبردست پیغام دیا، امریکا کی سپورٹ کے باوجود حماس نے ان کے غرور کو خاک میں ملایا۔اُن کا کہنا تھا کہ کل اسلام آباد میں ہمارے کارکنوں پر تشدد کیا گیا، پوچھتا ہوں ہماری پکڑ دھکڑ کرکے کس کو خوش کرنا چاہتے ہو؟