لاہور ( وی او پی نیوز ) پاکستان تحریک انصاف نے سابق وزیراعظم اور (ن) لیگ قائد نواز شریف کی گفتگو پر ردعمل دے دیا۔پی ٹی آئی کے ترجمان نے ایک بیان جاری کیا ہے جس میں کہا گیا ہے کہ نواز شریف ڈیل اور ضمانتوں کا مجموعہ ہیں ۔ خود کو مظلوم کہنے والا آج تک دفاع میں کوئی رسید پیش
نہیں کرسکا۔ شریف خاندان کی لوٹ مار کے قصے دہائیوں سے زبان زدِ عام ہیں، این آر او سے خود کو سرخرو کہنے والا نواز شریف ڈیل اور ضمانتوں کا مجموعہ ہے۔”جنگ ” کے مطابق پی ٹی آئی ترجمان نے مزید کہا کہ ہماری معاشی کارکردگی کا اعتراف شہباز شریف حکومت میں اقتصادی سروے میں کیا گیا، پی ڈی ایم کی 17 ماہ کی حکومت میں معیشت کو ناقابل تلافی نقصان پہنچا۔ نواز شریف کو خصوصی ریلیف ان کی مایوسی میں اضافے کا سبب بن رہا ہے۔
