کابینہ ابھی تک مکمل نہیں مزید تقرریاں ہوسکتی ہیں

Spread the love

اسلام آباد  (مانیٹرنگ ڈیسک) وزیراعظم کے مشیر برائے سیاسی امور رانا ثناء اللہ نے کہا ہے کہ میری اور اسحاق ڈار کی تقرریوں کی کوئی خاص وجہ نہیں ہے، کابینہ ابھی تک مکمل نہیں ہے مزید تقرریاں ہوسکتی ہیں اسحاق ڈار کو نائب وزیراعظم بنانا انہیں عزت دینے والی بات ہے،مرکزی کونسل کے آئندہ اجلاس میں نواز شریف کو پارٹی صدر بنانے کا فیصلہ متوقع ہے۔

نجی ٹی وی کے پروگرام ”کیپٹل ٹاک“ میں میزبان حامد میرسے گفتگوکرتے ہوئےوزیراعظم کے مشیر برائے سیاسی امور رانا ثناء اللہ نے کہا کہ مزدور کی کم سے کم اجرت اس کا حق ہے اسے ملنا چاہیے، حکومت اور سیاسی جماعتوں کو مزدوروں کے حقوق پر مزید توجہ دینے کی ضرورت ہے، مزدور تنظیموں کو اپنے حقوق کے تحفظ کیلئے متحرک کردار ادا کرنا چاہئے۔

رانا ثناء اللہ کا کہنا تھا کہ نائب وزیراعظم کے عہدے کو غیرآئینی نہیں کہا جاسکتا، آئین میں نائب وزیراعظم کے اختیارات درج نہیں ہیں، میری اور اسحاق ڈار کی تقرریوں کی کوئی خاص وجہ نہیں ہے، کابینہ ابھی تک مکمل نہیں ہے مزید تقرریاں ہوسکتی ہیں، اسحاق ڈار کو نائب وزیراعظم بنانا انہیں عزت دینے والی بات ہے، کابینہ میں تمام وزراء برابر ہوتے ہیں اسحاق ڈار کو اس طرح سینئر ظاہر کیا گیا ہے۔

Tayyba Bukhari

Learn More →

Leave a Reply

Your email address will not be published. Required fields are marked *

%d bloggers like this: