لکھ لیں، اس الیکشن کا جنازہ نکل گیا ہے

پی ٹی آئی رہنما نے کہا کہ ہم الیکشن لڑیں گے اور آزاد لڑیں گے، پوری قوم نے دیکھا کہ پی ٹی آئی کو کیسا لیول پلیئنگ فیلڈ ملا، لکھ لیں، اس الیکشن کا جنازہ نکل گیا ہے۔ ہمارا پیغام ہے کہ جس کے پاس جو نشان ہے وہ اس کو ہی بلا سمجھے، ہمارے پاس پلان بی تھا، ہم نے سمجھا تھا بلا نہیں تو بلے باز پر ووٹر مطمئن ہوگا۔

شاہ محمود قریشی نے یہ بھی کہا کہ عدالتوں کا فیصلہ تسلیم ہے، تاریخ سپریم کورٹ کے فیصلے پر اپنا فیصلہ ضرور کرے گی۔ سپریم کورٹ میں اگر کیسز کا اوپن ٹرائل ہوسکتا ہے تو یہاں کیوں نہیں، ہم مطالبہ کرتے ہیں کہ سائفر کیس کے ٹرائل کو لائیو دکھایا جائے۔

صحافی نے پی ٹی آئی رہنما سے استفسار کیا کہ کیا آپ سمجھتے ہیں انٹراپارٹی الیکشن اور بلے کا نشان حاصل کرنے کےلیے آپ کی جماعت سے غلطیاں ہوئیں؟اس پر شاہ محمود قریشی نے جواب دیا کہ الیکشن کمیشن نے ہمارے انٹراپارٹی الیکشن پر سوال اٹھائے باقی جماعتوں کے الیکشن پر کسی نے سوال نہیں اٹھایا۔ بانی پی ٹی آئی کاایک ہی مطالبہ ہے کہ ملک میں صاف، شفاف انتخابات کرائے جائیں۔