اسلام آباد ( مانیٹرنگ ڈیسک ) آئی ایس آئی اور آئی بی کے افسران نے آڈیو لیکس کی ابتدائی تفتیش کرلی، دونوں سینئر افسران اس نتیجے پر پہنچ چکے ہیں کہ بادی النظر میں اس آڈیو لیکس کے پیچھے کون ہے۔وزیر داخلہ رانا ثناء اللّٰہ کا “جیو نیوز” کے پروگرام “آج شاہزیب خانزادہ کے ساتھ” میں گفتگو کرتے ہوئے کہنا تھا کہ آئی ایس آئی اور آئی بی کے افسران بدھ کو پی ایم ہاؤس میں ہونے والے قومی سلامتی کمیٹی کے اجلاس میں اپنی ابتدائی تحقیقات سامنے رکھیں گے۔ اس حوالے سے کوئی بھی حتمی بات مکمل تفتیش کے بعد ہی سامنے آئے گی۔ اگر وزیراعظم ہاؤس میں کوئی ڈیوائسز لگی ہوئی ہیں، تو یہ معاملہ بہت

سنجیدہ ہے، ایسا کرنے والوں کے خلاف ملک کے آئین و قانون کے مطابق کارروائی ہونی چاہیے۔وزیراعظم کے سیکرٹری کا فون بھی ہیک ہو سکتا ہے، صرف یہی نہیں بلکہ میرا فون بھی ہو سکتا ہے، تاہم اس کی مکمل تحقیقات کرنا بہت ضروری ہے، اسی لیے وزیراعظم نے قومی سلامتی کمیٹی کی میٹنگ بلائی ہے۔
وزیر داخلہ کا مزید کہنا تھا کہ عمران خان پہلے اپنی لیک ہونے والی ٹیپ سنبھالیں پھر ہمارے متعلق بات کریے گا، اس کو پتا ہے کہ اس کی حرکتیں ایسی ہے جو کریکٹر ایسی نیشن کے لیے کافی ہیں، فواد چوہدری لیکس آڈیو کی فروخت اور قیمت ایسے بتا رہے ہیں جیسے خود اس میں ایجنٹ ہوں۔
رانا ثناء نے مزید کہا کہ اس فتنے کا کالج یونیورسٹی لاہور میں جلسہ کروایا جا رہا ہے کیا یہ لاقانونیت نہیں، اس یونیورسٹی کے وی سی کا محاسبہ ہونا چاہیے۔پی ٹی آئی کے ممکنہ لانگ مارچ سے متعلق گفتگو کرتے ہوئے وزیر داخلہ نے کہا کہ ہم نے پورا بندوبست کیا ہے روز روز کی گیدڑ بھبکیاں ہیں کہ ادھر سے آؤں گا ادھر سے آؤں گا، یہ دس پندرہ ہزار لے کر آئے گا ہم نے 50 ہزار کا بندوبست کیا ہوا ہے۔ ان کو جلسہ اور دھرنا کرنا دیں گے، روٹی چائے پانی بھی دیں گے، اگر ریڈ زون آئیں گے تو پھر ان کا پورا علاج کریں گے۔