لاہور ( ایس ایم ایس ) بیدیاں روڈ پر گاؤں ہیر میں مقامی آبادی کے معززین منشاء لوہار ، شہزاد مسیح ،انوکھا مسیح ،ساجد گلزار ، اعظم گلزار ،اشفاق گلزار اور نادر گلزار نے اپنی مدد آپ کے تحت اپنے گاؤں میں سڑک کی تعمیر کروا دی ۔
مقامی آبادی نے گاؤں کے اس دیرینہ مسئلے کو حل کرنے پر معززین کے اعزاز میں تقریب کا اہتمام کیا اور ان کا شاندار استقبال کیا ۔ سڑک کی تعمیر کروانے پر مقامی آبادی نے منشاءلوہار ، شہزاد مسیح ، انوکھا مسیح ، ساجد گلزار ، اشفاق گلزار اور نادر گلزار کو پھولوں کے ہار پہنائے اور ان کا تہہ دل سے شکریہ ادا کیا ۔
