بیجنگ ( مانیٹرنگ ڈیسک ) چین سے ایک تشویشناک خبر آ رہی ہے اور وہ یہ کہ کورونا وائرس کے نئےکیسز سامنے آنے کے بعد چین بھر میں ایک بار پھر لاک ڈاؤن نافذ کردیا گیا ہے۔بین الاقوامی میڈیا کی رپورٹ کے مطابق، چین کے مختلف صوبوں میں 2 نئے اومیکرون
ویرینٹ (BF.7) اور (BA.5.1.7) سامنے آئے ہیں جن کے بارے میں یہ کہا جارہا ہےکہ یہ نسبتاََ زیادہ شدید اور تیزی سے پھیلنے کی صلاحیت رکھتے ہیں۔ چین کے نیشنل ہیلتھ کمیشن نے 12 اکتوبر کو گزشتہ روز 1,760 نئے کورونا کیسز سامنے آنے کی اطلاع دی ہے، جوکہ بیجنگ، شنگھائی، شینزین اور ژیان جیسے شہروں میں سامنے آئے ہیں۔ اومیکرون ویرینٹ (BF.7) بیلجیم، جرمنی، فرانس، ڈنمارک اور انگلینڈ میں بھی پھیل رہا ہے۔عالمی ادارہ صحت نے پہلے ہی اومیکرون ویرینٹ (BF.7) کے خلاف خبردار کیا تھا کہ یہ متوقع طور پر نیا سب سے زیادہ تیزی سے پھیلنے والا ویرینٹ بن سکتا ہے۔
