مودی کی جماعت دوبارہ اقتدار میں آئی تو جمہوری نظام لپیٹ دے گی، محبوبہ مفتی بول پڑیں

سرینگر ( نیٹ نیوز ) مقبوضہ کشمیر کی سابق وزیراعلیٰ محبوبہ مفتی نے سرینگر میں میڈیا سے گفتگو میں  کہا کہ مودی کی جماعت دوبارہ اقتدار میں آئی تو جمہوری نظام لپیٹ دے گی۔ بی جے پی اقتدار میں واپس آکر جموں و کشمیر اور بھارت میں انتخابی نظام ختم کر دے گی۔ بی جے پی نے سپریم کورٹ میں

دعویٰ کیا کہ کشمیر میں سیکیورٹی صورتحال بہتر ہے۔ انتخابات کے انعقاد پر بی جے پی کہہ رہی ہے کہ کشمیر میں سیکیورٹی صورتحال ٹھیک نہیں۔محبوبہ مفتی نے کہا کہ جموں و کشمیر میں بی جے پی کے تمام تجربات ناکام ہوچکے ہیں۔ بی جے پی آئین پر یقین نہیں رکھتی اور جمہوری نظام کو ہی ختم کرنا چاہتی ہے۔مقبوضہ کشمیر کی سابق وزیراعلیٰ کا مزید کہنا تھا کہ بی جے پی جمہوری نظام کے خاتمے کا آغاز جموں و کشمیر سے کرے گی۔