بانی پی ٹی آئی رواں ماہ رہا ہوجائیں گے، بڑا دعویٰ

جیو نیوز کے پروگرام کیپٹل ٹاک میں سردار لطیف کھوسہ  نے کہا کہ 24 نومبر کو لوگ جس طرح نکلیں گے، وہ ان لوگوں کےلیے بڑا دھچکا ہوگا، بانی پی ٹی آئی اسی ماہ رہا ہوجائیں گے۔ جب پیپلز پارٹی نے کال دی تھی تو کیا نواز شریف بحرین بھاگے نہیں تھے، 8 فروری کو عوام بانی پی ٹی آئی کے لیے نکلے تھے۔

سردار لطیف کھوسہ نے مزید کہا کہ جو غلط فہمی میں ہیں، وہ 24 نومبر کو شاک میں آجائیں گے، اول تو 24 نومبر سے پہلے ہی ڈراپ سین ہوجائے گا ورنہ ہم 24 نومبر پر قائم ہیں۔ 24 نومبر جب لوگ نکلیں گے تو یہ خس و خاشاک کی طرح بہہ جائیں گے، دنیا کی مضبوط ترین اسٹیبلشمنٹ ہر حربے کے باوجود ٹرمپ کو نہ روک سکی۔  اسٹیبلشمنٹ نیوٹرل ہوجائے تو یہ حکومت ایک دن نہیں رہ سکتی، اس حکومت کی ایک خاتون رکن کے بیان کی وجہ سے چینی سفیر اپ سیٹ ہوئے۔