راولپنڈی ( ڈیلی پاکستان آن لائن )بانی پی ٹی آئی کے وکیل فیصل چوہدری کا کہنا ہے کہ بانی پی ٹی آئی نے کہا ہے کہ انہیں بنی گالہ منتقل ہونے کی پیش کش ہوئی ہے، تاہم جب تک بغیر ٹرائل لوگ رہا نہیں کیے جاتے وہ کہیں منتقل نہیں ہوں گے۔
اڈیالہ جیل کے باہر میڈیا سے گفتگو کرتے ہوئے انہوں نے کہا کہ بانی پی ٹی آئی کے خلاف پہلے 4 فیصلوں جیسا فیصلہ ہی 190 ملین پاؤنڈ ریفرنس کا بھی ہو گا۔توشہ خانہ 2 جھوٹے کیسز کی سیریز میں سے ایک کیس ہے۔مذاکراتی کمیٹی میں جوڈیشل کمیشن اور اسیران کی رہائی کا مطالبہ کر رہے ہیں، ایک طبقہ مذاکرات کو سبوتاژ کرنا چاہتا ہے۔
“جنگ ” کے مطابق فیصل چوہدری کا کہنا ہے کہ بانی پی ٹی آئی نے کہا پی ٹی آئی کا وقت آ چکا ہے اور کوئی طاقت اس کو روک نہیں سکتی، بانی نے خالد خورشید کی سزا کی مذمت کی۔فیصل چوہدری نے اس موقع پر مطالبہ کیا کہ مذاکراتی کمیٹی کو آج کے اجلاس کے بعد بانی پی ٹی آئی سے ملاقات کی رسائی دی جائے۔
