لاہور ( سپورٹس نیوز ) پاکستان ویمن کرکٹ ٹیم کی کپتان بسمہ معروف نے لاہور میں پریس کانفرنس کرتے ہوئے اہم انکشاف کیا ہے کہ ہم بھی چاہتے ہیں کہ ہماری میچ فیس بڑھے، 8 برسوں سے تو ہماری میچ فیس نہیں بڑھی۔ ایشیا کپ سے ہمارا مومنٹم اچھا بنا ہوا
ہے اسی کو برقرار رکھنے کی کوشش کریں گے۔ڈیانا بیگ انجری کی وجہ سے ٹیم میں نہیں ہیں، فاطمہ ثنا کے آنے سے کمبی نیشن بہتر ہو گیا ہے۔ان کا کہنا ہے کہ ہمارے پاس ہارڈ ہٹنگ بیٹرز کی کمی ہے، طوبیٰ حسن کو مس کریں گے، خواہش ہے کہ جلد فٹ ہو کر واپس آئیں۔
لاہور ( وی او پی نیوز )پنجاب کے مختلف شہروں میں ڈیزل کی قلت کے باعث پیٹرول پمپوں پر گاڑیوں کی قطاریں لگ گئیں۔پنجاب کے کئی شہروں میں پیٹرول پمپس پر ڈیزل کی فروخت بند کردی گئی ہے۔پیٹرولیم ایسوسی ایشن کا کہنا ہے کہ پیٹرولیم کمپنیوں نے ڈیزل کی ترسیل روک دی ہے۔ پیٹرولیم مصنوعات
کی قیمتوں میں اضافے کے امکان کے باعث کمپنیاں تیل فراہم نہیں کر رہیں۔اس حوالے سے پیٹرول پمپ مالکان نے کہا کہ پیٹرولیم مصنوعات کے نرخوں میں ردوبدل کا امکان ہے، جس وجہ سے ڈیزل نہیں منگوایا۔دوسری جانب مرکزی جنرل سیکریٹری کسان اتحاد کا کہنا ہے کہ ڈیزل کی بندش کی وجہ سے گندم کی فصل شدید متاثر ہورہی ہے۔پنجاب کے شہر لیاقت پور میں ڈیزل کی مصنوعی قلت اور مہنگے داموں فروخت کرنے پر انتظامیہ کی جانب سے کارروائی کی گئی۔انتظامیہ کا کہنا ہے کہ پرائس کنٹرول مجسٹریٹ نے مختلف پمپس کو چیک کیا، جن پمپوں پر ڈیزل بلیک میں فروخت ہورہا تھا ان پر ایک لاکھ تیس ہزار کا جرمانہ کیا گیا۔
