حکومت کہیں نہیں جا رہی، اسٹیبلشمنٹ اور حکومت الگ الگ نہیں: پرویز خٹک

اسلام آباد ( نیوز رپورٹ )وزیرِ دفاع پرویز خٹک کا کہنا ہے کہ حکومت کہیں نہیں جا رہی، اسٹیبلشمنٹ اور حکومت الگ الگ نہیں، ان دونوں کو ایک ساتھ چلنا ہوتا ہے۔اسلام آباد میں میڈیا سے گفتگو کرتے ہوئے وزیرِ دفاع نے کہا کہ ہم شرافت کی سیاست کرتے ہیں۔ ہمارے اتحادی ہمارے ساتھ ہیں اور ساتھ ہی

رہیں گے، پتہ نہیں آپ کو کیوں نظر آرہا ہے کہ حکومت جا رہی ہے؟ میں آپ کو یقین سے کہتا ہوں کہ حکومت کہیں نہیں جا رہی، ہفتے 20 دن میں آرمی چیف سے ملاقات ہو جاتی ہے۔ہمارے اتحادی ہمارے ساتھ ہیں اور ساتھ ہی رہیں گے، سیاسی جماعتوں کی ملاقاتیں ہوتی رہتی ہیں۔ وزیر دفاع نے یہ بھی کہا کہ جس نے جانا ہے استعفیٰ دیدے ورنہ اس طرح حلقے کے عوام سے دغا ہو گا، وزیر اعظم  بہت زیادہ پراعتماد ہیں۔