اسلام آباد ( نیوز ڈیسک )صدر مملکت ڈاکٹر عارف علوی نے بجٹ تجاویز آرڈیننس کی صورت میں نافذ کرنے پر اعتراضات اٹھا دیے جس کے بعد وفاقی حکومت نے منی بجٹ آرڈیننس کے ذریعے نہ لانے کا فیصلہ کیا ہے۔”جنگ ” کے مطابق حکومتی ذرائع کا کہنا ہے
کہ فنانس بل قومی اسمبلی کا اجلاس بلا کر منظوری کے لیے پیش کیا جائے گا۔ فنانس بل کی سینیٹ سے منظوری کی ضرورت نہیں ہو گی، قومی اسمبلی قواعد اور ضوابط معطل کرکے ایک ہی روز میں بل پاس کر سکتی ہے۔ فنانس بل کی قومی اسمبلی سے منظوری کے بعد صدر دستخط کرنے کے پابند ہوں گے۔
