اسلام آباد ( ہیلتھ نیوز ) کون ہے اس معاملے کا ذمہ دار ۔۔۔؟ نوبت یہاں تک آ پہنچی ہے کہ آکسیجن نیٹرز کی قلت پیدا ہو گئی ہے جس کے باعث ملک میں 90فیصد بائی پاس سرجریز ملتوی کر دی گئی ہیں ۔ آکسیجن نیٹر دل کی بائی پاس سرجری کا ایک لازمی جزو ہے، جس کا استعمال سرجری کے دوران کسی شخص کو زندہ رکھنے کے لیے کیا جاتا ہےملک بھر میں آکسیجن نیٹرز کی کمی کے
باعث عارضۂ قلب میں مبتلا مریضوں کو پریشانی کا سامنا کرنا پڑ رہا ہے،آکسیجن نیٹروں کی عدم دستیابی کے باعث گزشتہ 2 ہفتوں کے دوران ملک بھر میں 90 فیصد دل کی بائی پاس سرجری کو ملتوی کردیا گیا۔”جنگ ” کے مطابق روپے کی قدر میں کمی اور ایل سی کے اجراءکے باعث طبی آلات درآمد نہیں کیے جا رہے ہیں، نگراں وزیر صحت پنجاب نے تسلیم کیا ہے کہ آکسیجن نیٹرز کی کمی کے باعث دل کی بائی پاس سرجریز میں نمایاں کمی ہورہی ہے۔ ڈریپ نے یقین دہانی کرائی ہے کہ ہزار سے زائد آکسیجن نیٹر جو مالی مسائل کی وجہ سے بندرگاہوں پر پھنس گئے تھے جلدجاری کر دیے جائیں گے۔