اسلام آباد ( نیوز ڈیسک ) وزیر داخلہ رانا ثناءاللّٰہ نے نجی نیوز چینل کے پروگرام “نیا پاکستان ” میں واضح الفاظ میں بتا دیا کہ جیل بھرو تحریک سے نمٹنے کی حکمت عملی بنالی ہے۔ جیل بھرو تحریک 2 ہفتے سے زیادہ نہیں چلے گی۔ رانا ثناءاللّٰہ نے کہا کہ دہشت گردی کی کوئی سرحدیں نہیں ہیں، وزیراعظم شہباز شریف کی ہدایت پر میں کراچی سمیت تمام جگہوں پر گیا ہوں۔ پچھلے 4 ماہ
سے خیبر پختونخوا اور بلوچستان میں دہشت گردی زیادہ ہوئی، ہمارا خیال تھا کہ یہ دہشت گرد دوسری جگہوں پر نہیں جائیں گے۔دہشت گردوں کے سہولت کاروں کو ڈھونڈ نکالیں گے، کاؤنٹر ٹیرر ازم ڈپارٹمنٹ (سی ٹی ڈی) سندھ اور پنجاب، خیبر پختونخوا و بلوچستان سے بہت بہتر ہیں۔ دہشت گردی کے واقعات سندھ اور پنجاب میں کم ہوئے ہیں، سندھ حکومت نے سی ٹی ڈی بہتر بنانے میں بہت کام کیا ہے۔انہوں نے کہا کہ دہشت گردی کےخلاف رقم صرف خیبر پختونخوا کو ہی دی جاتی ہے، وہاں تو کرائے کی بلڈنگ میں سی ٹی ڈی کے دفاتر ہیں۔