اسلام آباد ( وی او پی نیوز ) سینئر سیاستدان اور سابق وزیر داخلہ  چوہدری نثار علی خان نے میڈیا سے گفتگو میں کہا ہے کہ میں تنقید کی سیاست میں نہیں پڑوں گا، شہباز شریف کا مشیر ہوتا تو ان سے کہتا کہ حکومت نہ لو۔ شہباز شریف کو کہتا اگر حکومت

لو تو صرف 3، 4 دن کے لیے اور انتخابات کا اعلان کردو۔ اس وقت اور 71ءکی صورتحال میں بڑا فرق ہے، اس وقت صرف ایک بھارت دشمن تھا۔ اس وقت مشکلات ہیں، بروقت انتخابات نہ ہوئے تو ان میں مزید اضافہ ہو گا، میں الیکشن آزاد حیثیت میں لڑوں گا۔ ملک میں غیر متنازع انتخابات ہونے چاہئیں، انتخابات 2 ماہ آگے یا پیچھے بعد کی بات ہے مگر غیر متنازع ہوں۔ اس سے پہلے بھی متنازع الیکشن پاکستان کی تباہی کا موجب بنے، غیر متنازع انتخابات کے لیے غیر متنازع نگراں حکومت ہونی چاہیے۔ نگراں حکومت ہر پارٹی کے اتفاق سے بنے، ضمنی انتخابات پہلے ہوں، صوبائی یا جنرل الیکشن اس سال ہوں گے۔