سیلاب متاثرین کیلیے فنڈز دو ورنہ بجٹ کی حمایت نہیں کریں گے : بلاول نے حکومت کو سرپرائز دیدیا

Spread the love

سوات ( وی او پی نیوز ) پہلے سیلاب متاثرین کیلیے فنڈز فراہم کرو پھر بجٹ کی حمایت کریں گے ۔ پاکستان پیپلز پارٹی( پی پی پی) نے حکومت کے سامنے شرط رکھ دی ۔ سوات میں جلسے سے خطاب  کرتے ہوئے وزیر خارجہ بلاول بھٹو زرداری نے حکومت کو صاف الفاظ میں جو کچھ کہا وہ کسی سرپرائز سے کم نہیں ۔ وزیر خارجہ بلاول بھٹو زرداری نے کہا ہے کہ سیلاب متاثرین کیلئے فنڈز کے بغیر بجٹ کی حمایت میں ووٹ نہیں دیں گے۔ ملک اس بات کا متحمل نہیں ہوسکتا کہ وزیراعظم کچھ کہیں اور بجٹ میں کچھ اور لکھا ہو، وزیراعظم کی نیت پر شک نہیں ہے مگر انہیں اپنی ٹیم سے حساب لینا

چاہیے۔ معاشی حالات ایسے ہیں کہ ہر آدمی، ہر شہری پریشان ہے۔ پی پی سمجھتی ہے ان سب کا حل ہمارے منشور میں شامل ہے، جب غریب کا فائدہ ہوتا ہے تو پوری معیشت کا فائدہ ہوتا ہے، پی پی کا مقابلہ کسی سیاسی جماعت سے نہیں بلکہ بے روزگاری، غربت اور مہنگائی سے ہے۔وزیرخارجہ نے کہا کہ جو کٹھ پتلی تھے جو کسی ایمپائر کی انگلی کے انتظار میں تھے ان کے ساتھ تو کچھ ہوا بھی نہیں، ان کو عدم اعتماد سے نکالا گیا، ایک رات جیل میں گزارنے کے بدلے انہوں نے جی ایچ کیو پر حملہ کروایا، ہم سمجھتے ہیں ان کے خلاف سخت ایکشن لینا چاہیے۔”جنگ ” کے مطابق بلاول بھٹو نے مزید کہا کہ آصف زرداری، نواز شریف اور چیئرمین پی ٹی آئی  کس دور میں روزگار ملا؟ وہ جو کپتان تھا وہ تو روزگار چھینتا تھا، 9 مئی کے واقعات میں جو ملوث تھے ان کو پیغام ہے ہم آپ کو معاف نہیں کریں گے۔ شہید ذوالفقار علی بھٹو کو پھانسی پر چڑھا دیا گیا، ہمارے جیالوں نے اپنے آپ کو جلا دیا، 1986 میں شہید بے نظیر بھٹو کا لاہور میں تاریخی استقبال کیا گیا۔ 19 سال کی عمر میں، میں نے کہا تھا کہ جمہوریت ہمارا انتقام ہے، کوئی کہتا ہے امریکی سازش، میں بتاؤں کوئی سازش نہیں۔

Tayyba Bukhari

Learn More →

Leave a Reply

Your email address will not be published. Required fields are marked *

%d bloggers like this: