اسلام آباد( کامرس نیوز ) فیڈرل بورڈ آف ریونیو نے ملکی تاریخ میں پہلی بار محصولات کی ریکارڈ وصولی کر لی ۔ وفاقی وزیر خزانہ اسحاق ڈار نے ٹوئیٹر پر جون میں اب تک جمع ہونے والے محصولات سے متعلق بیان جاری کیا۔ بیان میں انہوں نے کہا کہ پہلی بار فیڈرل بورڈ آف ریونیو (ایف بی آر) نے 26جون تک محصولات کی مد میں7 ہزارارب روپے جمع کرلیے۔ 30 جون تک ایف بی آر کی محصولات میں مزید اضافہ ہوگا۔” جیو نیوز ” کے مطابق
قومی اسمبلی نے آئندہ مالی سال کے لیے 14 ہزار 480 حجم کا بجٹ منظور کرلیا ہے۔حکومت کی جانب سے بہت سی ترامیم بھی کی گئی ہیں، پیٹرولیم ڈویلپمنٹ لیوی کی حد 50 روپے سے بڑھا کر 60 روپے فی لیٹر کردی گئی ہے، جس کے بعد آئی ایم ایف معاہدے کی ایک اور شرط پوری ہوگئی ہے۔بجٹ میں ٹیکس وصولیوں کا ہدف 9 ہزار 200 سے بڑھا کر 9 ہزار 415 ارب روپے مقرر کیا گیا ہے، پنشن ادائیگی 761 ارب سے بڑھا کر 801 ارب کردی گئی ہے۔فنانس بل میں مزید ترمیم کے تحت 215 ارب کے نئے ٹیکس عائدکیےگئے ہیں، بینظیر انکم سپورٹ پروگرام کی رقم 459 ارب روپےکے بجائے 466 ارب روپے کردی گئی ہے۔
