اسلام آباد ( وی او پی نیوز ) ملک بھر میں عوام بجلے کے بھاری بلوں کیخلاف سراپا احتجاج ہیں ، ایسے میں ایک اہم خبر سامنے آئی ہے اور وہ یہ کہ وزارت توانائی میں ہونے والے اجلاس میں عوام کو ریلیف دینے کیلئے تجاویز تیار کرلی گئی ہیں ۔” جیو نیوز” کے مطابق ذرائع کا کہنا ہے کہ گھریلو
صارفین کو بجلی بلوں پر ون سلیب بینیفٹ دینے کی تجویز دی گئی ہے، صارفین کو بجلی بلوں کی ادائیگی میں زیادہ قسطوں کا ریلیف دینے کی تجویز بھی دی گئی ہے۔بھاری بجلی بلوں کا کچھ حصہ سردیوں کے مہینوں میں ادا کرنے کا ریلیف دینے کی تجویز دی گئی، بجلی بلوں پر عائد ٹیکسوں میں کمی پر وزارت خزانہ کی رائے لینے کی تجویز پیش کی گئی۔تمام تجاویز کل نگراں وفاقی کابینہ کے اجلاس میں پیش کی جائیں گی، بجلی بلوں میں کمی کے حوالے سے فی الحال کوئی تجویز شامل نہیں۔
