ارجنٹینا میں مہنگائی سے لوگوں کی ذہنی صحت متاثر ہونے لگی

Spread the love

بوئینوس ایئرس( مانیٹرنگ ڈیسک )ہائے بھوک۔۔۔ارجنٹینا میں مہنگائی سے اب لوگوں کی ذہنی صحت متاثر ہونے لگی ہے۔ ارجنٹینا کو حالیہ تاریخ کے بدترین معاشی بحران کا سامنا ہے جس کی وجہ سے شہری تناؤ میں آکر ذہنی صحت کے مسائل سے دوچار ہو رہے ہیں۔میڈیا رپورٹس کے مطابق ارجنٹینا کی جانی پہچانی ماہرِ نفسیات بیانشوٹی نے بین الاقوامی میڈیا سے گفتگو کرتے ہوئے بتایا کہ ان کے پاس اب زیادہ تر مریضوں کی تعداد وہ ہے جنہیں طویل

مدتی معاشی پلاننگ کو لے کر گھبراہٹ، خدشات لاحق ہیں جن کی وجہ سے ان میں نیند کے مسائل بھی جنم لے رہے ہیں۔”ایکسپریس نیوز ” کے مطابق رواں سال ارجنٹینا میں مہنگائی کی شرح  140 فیصد کی ریکارڈ ترین سطح پر ہے جس کی وجہ سے ملک کی کرنسی کی قدر بھی تیزی سے گری ہے۔ علاوہ ازیں روز مرہ کھانے پینے کی اشیا بھی شہریوں کی قوتِ خرید سے بہت دور ہوچکی ہیں۔دوسری جانب  یہ بھی خیال رہے کہ ارجنٹینا میں ماہرینِ نفسیات کی تعداد دیگر ممالک کے مقابلے میں زیادہ ہے۔ 2015 کے اعداد و شمار کے مطابق ارجنٹینا میں ہر 1 لاکھ لوگوں میں 194 ماہرینِ نفسیات ہیں جو کہ قریبی ملک ناروے اور فن لینڈ سے 3 گنا زیادہ ہے۔مزید برآں ملک میں اب معیشت مختلف گھریلوں مسائل کا 49 فیصد حصہ بن چکا ہے جو کہ کسی عمومی مسائل سے کہیں زیادہ ہے۔

Tayyba Bukhari

Learn More →

Leave a Reply

Your email address will not be published. Required fields are marked *

%d bloggers like this: