آج’بلے‘ کا نشان چھیننے کی کوشش کی گئی کل کو’شیر‘ اور پرسوں ’تیر‘ بھی چھن سکتا ہے

اسلام آباد ( وی او پی نیوز ) پاکستان تحریک انصاف کے رہنما سردار لطیف کھوسہ نے الیکشن سے قبل ہی  تاریخ کی بدترین پری پول دھاندلی کا الزام لگادیا۔میڈیا سے گفتگو میں لطیف کھوسہ نےالیکشن سسٹم پر تنقید کی اور کہا کہ آج’بلے‘ کا نشان چھیننے کی کوشش کی گئی ہے تو کل کو’شیر‘ اور پرسوں ’تیر‘ بھی چھن سکتا ہے۔ سپریم کورٹ نے جن کو تاحیات نااہل قرار دیا، وہ کاغذاتِ نامزدگی جمع کروا چکے ہیں۔ فیصلہ کیا گیا ہے کہ بادشاہ سلامت

کو چوتھی بار وزیر اعظم بنانا ہے، نواز شریف کو وزیر اعظم بنانا ہے تو اس کےلیے آئین میں ترمیم کرنا ہوگی۔”جنگ ” کے مطابق لطیف کھوسہ کا کہنا تھا کہ  ساری دنیا دیکھ رہی ہے، سزا یافتہ کو ہیتھرو ایئرپورٹ پر سفیر نے رخصت کیا، سزا یافتہ اسلام آباد پہنچا تو بائیو میٹرک مشین ایئرپورٹ پہنچائی گئی، اب ظل سبحانی کے کاغذات نامزدگی منظور کیے گئے ہیں۔لطیف کھوسہ  نواز شریف کو 62 ون ایف کے تحت نااہل قرار دیا گیا ہے، یہ سپریم کورٹ کا فیصلہ تھا۔ فیصلہ کیا گیا ہے کہ بادشاہ سلامت کو چوتھی بار وزیراعظم بنانا ہے، نواز شریف کو وزارت عظمیٰ دینے کےلیے آئین میں ترمیم کرنا پڑے گی۔پی ٹی آئی رہنما نے مزید کہا کہ میرے داماد کے تجویز کنندہ اور تائید کنندہ کو اٹھالیا گیا، بدترین پری پول دھاندلی ہو رہی ہے۔ان کا کہنا تھا کہ سپریم کورٹ نے 11 مئی کو کہہ دیا کہ بانی پی ٹی آئی کو غیر آئینی طور پر گرفتار کیا گیا، ایسے الیکشن کروائے گئے تو ملک کا دیوالیہ ہو جائے گا۔ جو 6 آف شور کمپنیاں ہیں وہ ہیں ہی نواز شریف کی، آپ نے لندن پلان کے ذریعے سارے کیسز ختم کروا دیے۔4 دفعہ ملک کو کھانے کے بعد اپ پانچویں مرتبہ بھی ملک کو کھانے کےلئے تیار ہیں، ملک کی جمہوریت کے ساتھ کب تک کھیلا جائےگا۔ ہوش کے ناخون لیں اور ملک کو آگے جانے دیں، شفاف انتخابات ہونے دیں۔