لاہور ( وی او پی نیوز ) کتنےآئی پی پیز کو بجلی کی پیداوار کے بغیر ہی ماہانہ اربوں روپے دیئے جا رہے ہیں؟ اس حوالے سے تہلکہ خیز انکشاف سامنے آیا ہے ۔ اور یہ انکشاف اہم شخصیت نے کیا ۔ سابق نگراں وزیر تجارت گوہر اعجاز نے کہا ہے کہ کروڑوں عوام کی کمائی کیپسٹی پیمنٹ کے نام پر 40 خاندانوں کو
دی جا رہی ہے، 4 آئی پی پیز کو پیداوار کے بغیر ہی پیسے دیئے جارہے ہیں۔”جنگ ” کے مطابق اپنے بیان میں گوہر اعجاز نے کہا کہ حکومت عوام کے پیسے پر کاروبار نہ کرے اور صارفین سے زیادتی بند کی جائے۔4 آئی پی پیز کو بجلی کی پیداوار کے بغیر ہی ماہانہ 10 ارب روپے دیے جا رہے ہیں، جبکہ نصف آئی پی پیز 10 فیصد سے بھی کم کیپسٹی پر بجلی پیدا کرکے رقم بٹور رہی ہیں۔سابق وفاقی وزیر نے مطالبہ کیا کہ آئی پی پیز کو ادائیگی صرف بجلی پیدا کرنے پر دی جائے، اور نیپرا میں تمام اسٹیک ہولڈرز کو نمائندگی دی جائے۔