سندھ میں گورنر کی تبدیلی کی خبروں پر ناصر حسین شاہ کا بیان بھی آ گیا

کراچی ( وی او پی نیوز ) سندھ میں گورنر کی تبدیلی سے متعلق خبروں پر ناصر حسین شاہ کا بیان بھی آ گیا ۔صوبائی وزیر توانائی ناصر حسین شاہ نے کہا ہے کہ سندھ میں گورنر کی تبدیلی سے متعلق خبریں میرے علم میں نہیں ہیں۔کراچی میں پریس کانفرنس کرتے ہوئے ناصر شاہ نے کہا کہ سندھ میں گورنر کی تبدیلی

سے متعلق میں نے بھی میڈیا سے سنا ہے، میرے علم میں نہیں ہے۔ صدر مملکت اور خالد مقبول کے درمیان جس ملاقات کا ذکر ہو رہا ہے اس میں بھی میں شریک تھا۔ اس ملاقات میں پنجاب کے ایک تعلیمی ادارے کے سندھ میں کیمپس قائم کرنے پر بات ہوئی تھی۔