ٹورنٹو ( ایس ایم ایس ) جسٹن ٹروڈو کینیڈا کی وزراتِ عظمٰی چھوڑنے کے بعد کیا کر رہے ہیں َ اس حوالے سے اہم تفصیلات سامنے آئی ہیں ۔ تفصیلات کے مطابق جسٹن ٹروڈو نے گھر کا کچن سنبھال لیا ہے ۔
“جنگ ” کے مطابق سابق وزیرِاعظم جسٹن ٹروڈو نے ایک مقامی اسٹور سے کچن میں استعمال ہونے والی اشیاء خریدیں اور اپنی تصویر سوشل میڈیا پر لگا دیں۔جسٹن ٹروڈو مقامی اسٹور سے شاپنگ سے لطف اندوز ہوئے اور سوشل میڈیا پر اِس کا اظہار بھی کیا، صارفین نے تصویر کو پسند کیا اور دلچسپ تبصرے کیے۔
یاد رہے کہ جسٹن ٹروڈو کی 16 سالہ صاحبزادی ایلا گریس نے لبرل پارٹی آف کینیڈا کے لیڈر شپ الیکشن کے موقع پر اپنی جذباتی تقریر میں کہا تھا کہ میں آپ کے وزیرِاعظم اور آپ کے لیڈر کے بارے میں بات کرنے آئی ہوں۔
ان کا کہنا تھا کہ ٹروڈو میرے لیے صرف میرے ’ڈیڈ‘ ہیں، میں اپنے ’ڈیڈ‘ کو واپس لے رہی ہوں۔
