اسلام آباد ( وی او پی نیوز ) ایک طرف ملک میں توشہ خانہ سے تحائف کی خریداری اور فروخت پر بحث جاری ہے تو دوسری جانب ایوان صدر اور صدارتی
سیکریٹریٹ میں کفایت شعاری مہم جاری ہے. گذشتہ روز پرانی اور ناقابل استعمال اشیاء کی نیلامی کی گئیں۔ایوان صدر کے مطابق نیلامی سے 1 کروڑ 66 لاکھ 50 ہزار روپے آمدن ہوئی ہے۔ایوان صدر کا کہنا ہے کہ نیلامی سے حاصل رقم کو قومی خزانے میں جمع کرا دیا گیا ہے۔
لاہور ( وی او پی نیوز )پنجاب کے مختلف شہروں میں ڈیزل کی قلت کے باعث پیٹرول پمپوں پر گاڑیوں کی قطاریں لگ گئیں۔پنجاب کے کئی شہروں میں پیٹرول پمپس پر ڈیزل کی فروخت بند کردی گئی ہے۔پیٹرولیم ایسوسی ایشن کا کہنا ہے کہ پیٹرولیم کمپنیوں نے ڈیزل کی ترسیل روک دی ہے۔ پیٹرولیم مصنوعات
کی قیمتوں میں اضافے کے امکان کے باعث کمپنیاں تیل فراہم نہیں کر رہیں۔اس حوالے سے پیٹرول پمپ مالکان نے کہا کہ پیٹرولیم مصنوعات کے نرخوں میں ردوبدل کا امکان ہے، جس وجہ سے ڈیزل نہیں منگوایا۔دوسری جانب مرکزی جنرل سیکریٹری کسان اتحاد کا کہنا ہے کہ ڈیزل کی بندش کی وجہ سے گندم کی فصل شدید متاثر ہورہی ہے۔پنجاب کے شہر لیاقت پور میں ڈیزل کی مصنوعی قلت اور مہنگے داموں فروخت کرنے پر انتظامیہ کی جانب سے کارروائی کی گئی۔انتظامیہ کا کہنا ہے کہ پرائس کنٹرول مجسٹریٹ نے مختلف پمپس کو چیک کیا، جن پمپوں پر ڈیزل بلیک میں فروخت ہورہا تھا ان پر ایک لاکھ تیس ہزار کا جرمانہ کیا گیا۔
