جدہ ( مانیٹرنگ ڈیسک ) اہم خبر سامنے آئی ہے اور وہ یہ کہ سعودی عرب نے بیرون ملک سے آنے والے مسافروں پر عائد تمام پابندیاں ختم کردیں ہیں ۔سعودی وزارت صحت نے کورونا کے خلاف ویکسینیشن کا سرٹیفکیٹ جمع کروانے کی شرط ختم کردی۔
وزارت صحت کے مطابق سعودی عرب آنے یا آنے سے پہلے پی سی آر ٹیسٹ کروانے کی شرط بھی ختم کی گئی ہے۔وزارت صحت نے سعودی عرب آنے یا آنے سے پہلے ضروری قرنطینہ کی شرط بھی ختم کردی ہے۔ پابندیوں کےخاتمے کا فیصلہ مثبت کیسز کی شرح میں کمی کے بعد کیا گیا۔
