62

سیاسی عدم استحکام کا نقصان ، ڈالر نے چھو لیا آسمان ، 244 روپے کا ہو گیا

Spread the love

کراچی ( نیٹ نیوز ) ملک میں سیاسی عدم استحکام نے امریکی ڈالر کو آسمان پر پہنچا دیا ہے، انٹر بینک میں ڈالر اب تک کی بلند ترین سطح پر پہنچ گیا ہے۔انٹر بینک میں کاروبار کے اختتام پر ڈالر کا بھاؤ 239 روپے 94 پیسے ہے۔ انٹر بینک میں آج ڈالر کا بھاؤ 3 روپے 92 پیسے بڑھا ہے جبکہ جولائی کے

پورے مہینے میں ڈالر 35 روپے 9 پیسے مہنگا ہوا۔دوسری جانب اوپن مارکیٹ میں ڈالر 3 روپے مہنگا ہو کر 244 روپے کا ہو چکا ہے۔پاکستان سٹاک ایکسچینج (پی ایس ایکس) میں کاروبار کا ملا جلا آغاز ہوا ہے۔پی ایس ایکس 100 انڈیکس 52 پوائنٹس اضافے کے بعد 40025 کی سطح پر موجود ہے۔واضح رہے کہ گزشتہ روز اوپن مارکیٹ میں 4 روپے بڑھ کر ایک ڈالر کی قیمت 241 روپے تک پہنچ گئی تھی۔وزیرِ خزانہ مفتاح اسماعیل کا کہنا تھا کہ جب راتوں کو سیاسی صورتِ حال تبدیل ہو تو مارکیٹ ایسے ہی اثر دکھاتی ہے۔انہوں نے کہا کہ سیاسی عدم استحکام اور کرنٹ اکاؤنٹ خسارہ ڈالر کا ریٹ بڑھنے کی بنیادی وجہ ہے۔

اس خبر پر اپنی رائے کا اظہار کریں

اپنا تبصرہ بھیجیں