اسلام آباد ( وی او پی نیوز ) وفاقی وزیر اطلاعات مریم اورنگزیب کا اپنے ایک بیان میں کہنا ہے کہ وزیراعظم شہباز شریف نے عوام کو بڑا ریلیف دے دیا ہے، بجلی کے ریٹ میں سوا 4 روپے کی کمی کی ہے۔ اکتوبر کے بل میں بجلی کی قیمت میں کمی کی گئی

ہے، یہ کمی فیول چارجز ایڈجسٹمنٹ کی مد میں کی گئی ہے۔ستمبر کے بجلی بلوں میں لگنے والی سہ ماہی ایڈجسٹمنٹ ہی جاری رکھنے کا فیصلہ کیا، یہ فیصلہ بجلی کی بڑھتی ہوئی قیمتوں کے پیش نظر کیا گیا۔وزیر اطلاعات نے کہا کہ عوام پر بوجھ کو دیکھتے ہوئے بجلی کے ریٹ نہ بڑھانے کا فیصلہ کیا گیا، نیپرا نے 14 اکتوبر کو سال 2021-22 کی چوتھی سہ ماہی کا فیصلہ دیا تھا۔