ملبورن ( نیٹ نیوز ) پاکستان کرکٹ ٹیم کیخلاف میچ میں شاندار پرفارمنس کے بعد ویرات کوہلی ایک بار پھر خبروں میں اِن ہو گئے ہیں .نامور پاکستانی گلوکار عاصم اظہر نے کوہلی ساتھ تصویر اور آٹو گراف ملنے پر ان کی تعریفوں کے پل باندھ دیے۔ انسٹاگرام پر
عاصم اظہر نے کوہلی کے ساتھ اپنی تصویر شیئر کی۔ عاصم نے اس تصویر کے ساتھ عنوان تحریر کیا کہ میں ہمیشہ آپ کی کرکٹ کا مداح تھا، لیکن اب آپ کی شخصیت کا مزید بڑا مداح ہوگیا ہوں۔ساتھ میں تصویر بنوانے پر عاصم اظہر نے ویرات کوہلی کا شکریہ بھی ادا کیا۔کوہلی نے عاصم اظہر کو ان کی شرٹ پر آٹو گراف بھی دیا اور اس شرٹ کی تصویر بھی عاصم اظہر نے شیئر کردی۔
