تہران ( مانیٹرنگ ڈیسک ) ایران کے صدر ابراہیم رئیسی نے تہران میں صحافیوں سے گفتگو کرتے ہوئے کہا ہے کہ ایران جوہری معاہدے کی بحالی کے لیے امریکا فیصلہ کرنے کے بجائے معاملے کو طول دے رہا ہے۔ جوہری معاہدے کے لیے اب امریکا کو فیصلہ کرنا ہے،
لیکن امریکا اس میں تاخیر کر رہا ہے۔ ایران اپنے اوپر عائد پابندیوں کا خاتمہ چاہتا ہے، لیکن امریکا نے کچھ روز پہلے جوہری معاہدے کی بحالی مستقبل قریب میں ممکن نہ ہونے کا کہا ہے۔واضح رہے کہ ایران اور عالمی طاقتوں کے درمیان ہونے والے 2015 کے جوہری معاہدے سے امریکا 2018 میں یک طرفہ طور پر دستبردار ہو گیا تھا، جس کے بعد ایران جوہری معاہدے کی ازسر نو بحالی کے لیے اپریل 2021 سے کوششیں جاری ہیں۔
