کامونکے ( وی او پی نیوز ) چیئرمین پی ٹی آئی عمران خان نے لانگ مارچ کےشرکاء سے خطاب میں کہا ہے کہ عوام اور فوج مل کر ملک کومضبوط کرتے ہیں، آپ ان چوروں کے ساتھ نہ کھڑے ہوں، جو ان کے ساتھ کھڑا ہوگا انہی کے ساتھ رنگا جائے گا۔ آپ نے ان چوروں کو ڈرائی کلین کر کے ہم پر دوبارہ مسلط کر دیا ہے، بند کمروں میں کبھی چور ہونے کا فیصلہ کیا اور کبھی پاک کر دیا، ، پاکستانی قوم بھیڑ، بکریاں، گائے نہیں ہم انسان ہیں، خداکے لئے پاکستانی قوم کو جانورنہ سمجھو۔ کیا آپ ان چوروں کو تسلیم کرتے ہو؟ کوئی پاکستانی تسلیم نہیں کرتا، ادارے تب مضبوط ہوتے ہیں جب قوم ساتھ کھڑی ہوتی ہے۔ میں نے لندن میں فلیٹس نہیں
بنائے، کیسز ہونے پر لندن نہیں بھاگا، لوگوں کی محبتیں اتنی ہیں، ہماری رفتار زیادہ سے زیادہ 12 کلو میٹر ہوگی،ڈاکوؤں کو قانون کے نیچے لانے تک کامیابی نہیں ہوگی۔ امپورٹڈ حکومت کو خوش کرنے کے لیے توشہ خانہ، فارن فنڈنگ میں میرا نام لیا گیا، توشہ خانہ، فارن فنڈنگ میں میرا نام لینے پر 10 ارب روپے کا ہرجانہ کر رہا ہوں۔عمران خان کا خطاب کے دوران چیف الیکشن کمشنر سے متعلق کہنا تھا کہ سکندر سلطان تم نے میری دیانتداری پر سوال اٹھایا، تم سے ہر جانے کے پیسے نکلواؤں گا اور اِسے ہسپتال میں جمع کراؤں گا، تم پرعدالت میں مقدمہ کروں گا۔
عمران خان کا مزید کہنا تھا کہ کرم میں انتخابی مہم نہیں چلائی، سب جماعتوں نے مل کر میرےخلاف الیکشن لڑا، ساری جماعتیں میرے خلاف کھڑی ہوئیں، 8میں سے 7سیٹوں پر الیکشن جیتا یہ ورلڈ ریکارڈ ہے۔عمران خان نے پی پی پر تنقید کرتے ہوئے کہا کہ باپ ڈاکو، بیٹا دیسی ولایتی، اب تک اردو بولنا نہیں آئی۔اُن کا وزیر اعظم شہباز شریف سے متعلق کہنا تھا کہ شہباز شریف کے پاس کوئی پاور نہیں، شہباز شریف تم نے ساری زندگی کیا کیا؟، کمزور پر ظلم کرتے ہو، تم سے کیا بات کرنی ہے۔
