اسرائیل نے بحیرہ عمان میں اپنے آئل ٹینکر پر ڈرون حملے کا الزام ایران پرعائد کردیا

Spread the love

تل ابیب ( نیٹ نیوز ) اسرائیل نے بحیرہ عمان میں اپنے آئل ٹینکر پر ہونے والے ڈرون حملے کا الزام ایران پر عائد کردیا۔عرب میڈیا رپورٹس کے مطابق بحیرہ عمان میں اسرائیلی کمپنی کے آئل ٹینکر پر حملہ ہوا جس کے بعد اسرائیلی عہدیدار نے اپنے بیان میں اس حملے کا ذمہ دار ایران کو قرار دیا۔اسرائیلی حکام کا کہنا ہے کہ ایران نے آئل ٹینکر کو اسی میزائل سے نشانہ بنایا جو ایران نے یوکرین کی جنگ کے

دوران روس کو فراہم کیے تھے۔گلوبل نیوز کے مطابق اسرائیل کی زیر کنٹرول ایسٹرن پیسفک شپنگ کا بتانا ہے کہ ٹینکر کو معمولی نقصان پہنچا ہے تاہم حملے میں کسی کے زخمی ہونے کی اطلاعات بھی سامنے نہیں آئیں۔اس حوالے سے یونائیٹڈ کنگڈم میری ٹائم ٹریڈ آپریشنز (یو کے ایم ٹی او) کی جانب سے کہا گیا ہے کہ ٹینکر پر حملے کی تحقیقات کی جارہی ہیں۔دوسری جانب ایرانی میڈیا نے اس حوالے سے کہا کہ اسرائیل فٹبال ورلڈ کپ کے دوران حالات خراب کرنا چاہتا ہے، اسرائیل حالات خراب کر کے قطر اور ایران کو قصوروار قرار دینا چاہتا ہے۔

Tayyba Bukhari

Learn More →

Leave a Reply

Your email address will not be published. Required fields are marked *

%d bloggers like this: