ریاض ( سپورٹس نیوز )بڑی خبر سامنے آئی ہے اور وہ یہ کہ پرتگال سے تعلق رکھنے والے عالمی شہرت یافتہ سٹار فٹبالر کرسٹیانو رونالڈو سعودی عرب کے کلب سے معاہدہ کرنے پر رضامند ہوگئے ہیں رونالڈو کا چند روز قبل ہی انگلش فٹبال کلب مانچسٹر یونائیٹڈ
کے ساتھ معاہدہ ختم ہوا تھا۔ برطانوی میڈیا کی رپورٹ کے مطابق پرتگال کے کپتان کرسٹیانو رونالڈو سعودی فٹبال کلب النصر کے ساتھ 173 ملین پاؤنڈز سالانہ کا معاہدہ کریں گے ۔ رونالڈو جلد النصر کے ساتھ معاہدے پر دستخط کردیں گے۔برطانوی میڈیا نے اپنی رپورٹس میں یہ بھی دعویٰ کیا کہ رونالڈو اڑھائی برس کے لیے النصر کلب کے ساتھ یہ معاہدہ کریں گے۔خیال رہے کہ رونالڈو نے گزشتہ سیزن میں سعودی کلب کی پیشکش مسترد کردی تھی۔
