گوجرانوالہ( وی او پی نیوز )وزیر اعلیٰ پنجاب چوہدری پرویز الہٰی نےگوجرانوالہ میں جو گفتگو کی اس سے ایک بار پھر سیاسی بازار میں بھونچال آ گیا ہے.وزیر اعلیٰ نے خود کو پی ٹی آئی کے اعتماد کا ووٹ دلانے کے اعلان سے علیٰحدہ کرتے ہوئے کہا کہ اعتماد کا ووٹ

لینے کی کوئی ضرورت نہیں ہے، گورنر پنجاب کے غیرقانونی حکم کو نہیں مانتے، اعتماد کا ووٹ لیا تو یہ گورنر کے غیر قانونی حکم کی توثیق ہوگی۔ پی ٹی آئی کو چاہیے کہ غیر ذمہ دارانہ بیانات نہ دے، 25 تاریخ کو اپنا حال یاد رکھے، ان کی زبانیں نکلی ہوئی تھیں، آپ کو جان کے لالے پڑے ہوئے تھے، شکر کرو اللّٰہ تعالیٰ کا، پی ٹی آئی والےکم از کم اپنے لیڈرعمران خان کی بات کو فالو کریں۔ میں توخود ویسے ہی کر رہا ہوں جو عمران خان کہہ رہے ہیں، بزدار کی حکومت یہ کام کر لیتی تو یہ دن نہ دیکھنا پڑتے، اللّٰہ کو نا شکری پسند نہیں، بڑی مشکل سے پی ٹی آئی کی حکومت سنبھل چکی ہے۔پرویز الہٰی نے کہا کہ ن لیگ کے نالائق پیچھے رہ جائیں گے، شہباز شریف بے نقاب ہوگیا۔