اسلام آباد ( وی او پی نیوز ) ایک اور بڑا فیصلہ کر لیا گیا ہے اور وہ یہ کہ وفاقی حکومت نے ٹیکس چوری، کرپشن اور مالی فراڈ میں ملوث افراد کے گرد گھیرا تنگ کرنے کا فیصلہ کر لیا ہے۔”جنگ ” کے مطابق وفاقی کابینہ نے اس حوالے سے وزارتِ قانون کی

سمری کی منظوری دے دی۔وفاقی حکومت نے بے نامی ایکٹ 2017ءکو فعال کر دیا ہے، اس سلسلے میں اسلام آباد سمیت چاروں صوبوں کی ہائی کورٹس سے تعاون حاصل کر لیا ہے۔بے نامی ایکٹ کے تحت ٹرائل کے لیے عدالتوں کو خصوصی اختیارات دینے کا فیصلہ کیا گیا ہے۔وزارتِ قانون نے خصوصی عدالتوں کے لیے چیف جسٹس صاحبان سے رجوع کیا ہے۔ذرائع نے یہ بھی بتایا ہے کہ چیف جسٹس صاحبان کے نامزد کردہ نمائندوں کو خصوصی اختیارات دے دیے گئے ہیں۔