کراچی ( کامرس نیوز )اسٹیٹ بینک آف پاکستان نے کہا ہے کہ حکومت پاکستان کا قرض ایک سال میں 23 فیصد بڑھا ہے۔ دسمبر 2022 کے اختتام پر حکومت پاکستان کا قرض 50 ہزار 996 ارب روپے ہے۔ایک سال قبل دسمبر 2021 میں حکومت کا قرض 41 ہزار 547 ارب روپے تھا۔ مرکزی بینک کے اعداد و شمار کے مطابق حکومت کا مقامی قرض ایک سال میں 24 فیصد بڑھ کر 33 ہزار 116
ارب روپے ہے۔دوسری جانب حکومت کا بیرونی قرض سال بھر میں 21 فیصد بڑھ کر 17 ہزار 880 ارب روپے ہوگیا ہے۔دوسری جانب
اسٹیٹ بینک کے ذخائر 27 کروڑ 62 لاکھ ڈالر بڑھ کر 3 ارب 19 کروڑ ڈالررہے۔ملکی زرمبادلہ ذخائر 10 فروری کو ختم ہونے والے ہفتے میں 16 کروڑ 26 لاکھ ڈالر بڑھ گئے۔اسٹیٹ بینک کے مطابق 10 فروری تک ملکی زرمبادلہ ذخائر 8 ارب 70 کروڑ ڈالر رہے۔اسٹیٹ بینک کے ذخائر 27 کروڑ 62 لاکھ ڈالر بڑھ کر 3 ارب 19 کروڑ ڈالر رہے۔جبکہ کمرشل بینکوں کے ذخائر 11 کروڑ 36 لاکھ ڈالر کم ہو کر 5 ارب 50 کروڑ ڈالر رہے۔
