لاہور ( وی او پی نیوز ) چیئرمین پاکستان تحریک انصاف عمران خان نےبرطانوی نشریاتی ادارے کوانٹرویو دیتے ہوئے کہا ہے کہ مجھے اسٹیبلشمنٹ کی ضرورت نہیں۔ جس کے ساتھ عوام ہوں اسے بیساکھیوں کی ضرورت نہیں۔ مجھ سے پوچھا گیا کہ اسٹیبلشمنٹ آپ سے بات کرے تو کیا آپ کریں گے۔ میں سیاسی آدمی ہوں میں سب سے بات کروں گا سوائے چوروں کے۔ میں نے سوچا
نیا چیف آئے گا تو تبدیلی آئے گی لیکن کوئی تبدیلی نہیں آئی بلکہ سختیاں بڑھ گئی ہیں۔سابق وزیر اعظم کا کہنا ہے کہ ہمارے لیے کوئی فرق نہیں پڑا، ہم پر جنرل باجوہ کے دور میں کیسز بنے، اس سے پہلے کبھی سینئر لوگوں پر اتنا حراستی تشدد نہیں ہوا، یہ چاہتے ہیں میں ڈس کوالیفائی ہوجاؤں یا جیل چلا جاؤں اور یہ الیکشن جیت جائیں۔قوم حکومتی جماعتوں کے خلاف ہو چکی تھی اس لیے میں 2018ء کا الیکشن جیتا، اب جو مہنگائی ہوئی ہے تو یہ جماعتیں بالکل دفن ہو چکی ہیں۔ پرویز الہٰی نے اسٹیبلشمنٹ کا دباؤ برداشت کیا، وہ مشکل وقت میں ہمارے ساتھ رہے اس لیے انہیں عزت دینے کے لیے پارٹی کا عہدہ دیا۔مجھ پر 70 سے زیادہ کیسز ہیں، یہ کیسز عجیب نوعیت کے ہیں جو عدالت میں جاتے ہی ختم ہو جائیں گے۔
