عدلیہ جنگ کا میدان بن چکی،سیاسی جنگ ریاست کی تمام شاخوں کو بھسم کررہی ہے؛ سراج الحق

لاہور ( وی او پی نیوز ) امیر جماعت اسلامی پاکستان سراج الحق نے اپنے ایک بیان میں کہا ہے کہ  عدلیہ دو دھڑوں کے درمیان تازہ ترین جنگ کا میدان بن چکی ہے۔ پی ڈی ایم، پی پی، پی ٹی آئی کی سیاسی جنگ ریاست کی تمام شاخوں کو بھسم کررہی ہے۔ ذاتی لڑائیاں ملک کو بےمثال انتشار کی طرف

دھکیل رہی ہیں، عدلیہ دونوں دھڑوں کے درمیان تازہ ترین جنگ کا میدان بن چکی۔ اسٹیبلشمنٹ اور الیکشن کمیشن کی جانبداری پر سوال اٹھ رہے ہیں۔ان کا کہنا تھا کہ سیاستدانوں نے ہوش کے ناخن نہ لیے تو حالات بدترین نہج پر پہنچ جائیں گے، قومی انتخابات پر اتفاق رائے پیدا کرنا ہوگا، عوام سے فیصلہ لیا جائے۔ مہنگائی، بےروزگاری اور غربت نے غریبوں کا جینا جہنم بنا دیا۔