لاہور ( وی او پی نیوز)صوبائی دارالحکومت  میں مسلم لیگ ( ق) لیگ کے زیر اہتمام یوم آزادی کی مناسبت سے پرچم کشائی کی تقریب ہوئی، جس میں چوہدری شافع حسین اور دیگر رہنماؤں نے شرکت کی۔ تقریب سے خطاب کرتے ہوئےمسلم لیگ (ق) پنجاب کے صدر شافع حسین نے کہا ہے کہ جن لوگوں

کو کام کرنا چاہیے وہ ڈرائنگ روم میں بیٹھ کر چغلیاں کرتے ہیں۔ ہم سب کو مل کر پاکستان کی ترقی کے لیے کام کرنا ہو گا، 9مئی کے واقعات میں ملوث افراد کو سزا ملی چاہیے۔انتخابات نومبر میں ہونے چاہئیں لیکن لگ رہا ہے کہ فروری تک لے جائیں گے، شہباز شریف کے وزیرِ اعظم کے عہدے سے اترنے کے بعد ہمارے ان سے تعلقات مزید بہتر ہوں گے۔ جس طرح دیگر قائدین کو ضمانتیں ملی ہیں، پرویز الہٰی کو بھی ملنی چاہیے، کسی بھی سیاسی جماعت پر پابندی نہیں لگنی چاہیے۔