بجلی مزید مہنگی ہونے کا امکان،صارفین پر کتنا بوجھ بڑھے گا ؟ جانیے

Spread the love

اسلام آباد ( وی او پی نیوز )بجلی صارفین پر81 ارب 50 کروڑ روپےکا مزید بوجھ منتقل ہونے کا امکان،ملک بھر کے لیے بجلی مزید مہنگی کرنے کی درخواست دائر کر دی گئی۔ اکتوبر تا دسمبر 2023 کی سہہ ماہی ایڈجسٹمنٹ کی درخواست نیپرا میں جمع کرائی گئی ہے، درخواست بجلی تقسیم کار کمپنیوں نے جمع کرائی۔ بجلی صارفین پر 81 ارب 50 کروڑ روپے کا مزید بوجھ منتقل ہونے کا امکان ہے۔حکومتی گائیڈ لائنز کے مطابق سہہ ماہی ایڈجسٹمنٹ کا

اطلاق کے الیکٹرک صارفین پر بھی ہو گا۔کیپسٹی چارجز کی مد میں 75 ارب 14کروڑ روپے اور نقصانات کی مد میں 10 ارب 82 کروڑ روپے وصول کرنے کی درخواست کی گئی ہے۔“جنگ ” کے مطابق اس حوالے سے نیپرا کا کہنا ہے کہ درخواست پر 14فروری کو سماعت کی جائے گی، کاروائیاں ملک میں بلیک آؤٹ، پاور پلانٹس کو صلاحیت سے کم چلانے پر کی گئیں، جنریشن کے معاملے پر مختلف کمپنیوں پر 39 کیسز پر کارروائی اور  تقریباً 70 کروڑ روپے جرمانہ کیا گیا۔ ٹرانسمیشن کے معاملے پر مختلف کمپنیوں کے خلاف 7 کیسز پر کارروائی کی گئی، ٹرانسمیشن کے معاملے پر مجموعی طور پر ساڑھے 4 کروڑ روپے جرمانہ کیا گیا، ڈسٹری بیوشن کے معاملے پر مختلف کمپنیوں کے خلاف 34 کیسز پر کارروائی ہوئی، ڈسٹری بیوشن کے معاملے پر مجموعی طور پر 67 کروڑ روپے کے جرمانے کیے گئے۔

Tayyba Bukhari

Learn More →

Leave a Reply

Your email address will not be published. Required fields are marked *

%d bloggers like this: