متعلقہ

جمع

بنگلہ دیش اور بھارت کے درمیان جاری کشیدگی میں مزید شدت

کراچی (نیوز ڈیسک) بنگلہ دیش اور بھارت کے درمیان...

ٹرمپ نے تجارتی جنگ چھیڑ دی

تحریر : طیبہ بخاری نیا سال 2025اپنے ساتھ کئی اہم...

ماہرہ خان نے اپنی سکول کی سہیلی کیساتھ یادگار تصاویر شیئر کر دیں

کراچی ( ایس ایم ایس )شوبز انڈسٹری کی معروف...

ناروے میں سیاسی بحران، حکومت کی چھٹی

اوسلو ( ایس ایم ایس ) ناروے میں سیاسی...

کتنے یونٹ استعمال کرنے والوں کو مفت سولردیا جائے گا ؟ جانیے

Spread the love

 کراچی ( وی او پی نیوز ) گورنر سندھ کامران ٹیسوری کا کہنا ہے کہ ہم 300 یونٹ استعمال کرنے والوں کو مفت سولر لگا کر دیں گے۔ ایسے افراد جن کے چھوٹے بچے ہیں اور کرائے کے گھر میں رہتے ہیں، انہیں سولر لگا کر دیں گے۔گورنر ہاؤس میں میڈیا سے گفتگو کرتے ہوئے کامران ٹیسوری نے کہا کہ اسلامی ممالک کے قونصل جنرل نماز عید گورنر

ہاؤس میں ادا کریں گے، اس سال بھی سو اونٹوں کی قربانی کی جا رہی ہے۔ جو لوگ سٹریٹ کرائم کے واقعات میں نشانہ بنے ان کو ساتھ رکھیں گے، عید کے دن گورنر ہاؤس سے راشن کی تقسیم بھی کی جائے گی، عید کے دنوں میں 20 ہزار راشن بیگز مستحقین کو دیے جائیں گے۔کامران ٹیسوری نے کہا کہ سانحہ پریٹ آباد حیدرآباد میں آگ لگنے کے متاثرین میں امدادی چیک تقسیم کیے گئے ہیں۔سانگھڑ میں اونٹنی کی ٹانگ کاٹنے کا افسوسناک واقعہ پیش آیا، اس اونٹنی کے مالک کو 2 اونٹ دینے کا اعلان کیا ہے۔گورنر سندھ نے کہا کہ اب تک 8 ہزار طلباء کو مفت لیپ ٹاپ فراہم کیے گئے ہیں۔ قابل نوجوانوں کو بیرون ملک ملازمتیں دلوانے کےلیے جاب پورٹل بنا رہے ہیں۔ عید کے بعد پورٹل پر کام کیا جائے گا۔ حکومت سندھ کا شکریہ ادا کرتا ہوں کہ وہ ہمارے اچھے کاموں کو روک نہیں رہے، وزیراعلیٰ سندھ مراد علی شاہ ہمارے کام کو سراہتے ہیں۔