اسلام آباد ( ایس ایم ایس ) جمعیت علماء اسلام (جے یو آئی-ف) کے رہنما حافظ حمداللّٰہ نے ایک انٹرویو میں تہلکہ خیز انکشاف کیا ہے
ان کا کہنا ہے کہ بانی پی ٹی آئی عمران خان سے پس پردہ مذاکرات ہو رہے ہیں۔ بانی پی ٹی آئی نئے الیکشن کی بات کرتے ہیں وہ کیسے کروائیں؟ پاکستان میں کسی بھی معاملے پر بریک تھرو ہوسکتا ہے۔ پرویز مشرف پہلے نواز شریف اور بےنظیر کو ملک کے لیے سیکیورٹی رسک کہتے تھے، پھر اسی پرویز مشرف نے ہی دبئی میں بےنظیر سے این آر او کیا۔
جے یو آئی رہنما نے بتایا کہ بانی پی ٹی آئی سے مطالبہ کیا جا رہا ہے کہ وہ 9 مئی پر قوم سے معافی مانگیں، بانی پی ٹی آئی کہتے ہیں کہ شواہد لائیں پھر بات کرتے ہیں۔
