کراچی( وی او پی نیوز ) روشنیوں کے شہر کراچی میں اب خسرے کی وباء پھیل گئی ہے ۔ اور یہ وباء تیزی سے بچوں کو اپنی لپیٹ میں لے رہی ہے ۔ تازہ ترین اطلاعات کراچی میں
خسرے کے کیسز میں اضافہ ہونے سے شرح معمول سے 50 فیصد زائد ہوگئی ہے۔ “جنگ ” کے مطابق سیکریٹری جنرل پیڈیاٹرک ایسوسی ایشن ڈاکٹر خالد شفیع کا کہنا ہے کہ خسرے کا شمار جان لیوا بیماریوں میں ہوتا ہے، خسرہ ایک بچے سے دوسرے بچے میں فوری منتقل ہوتا ہے۔ ویکسینیشن نہ کرانے کی صورت میں پیچیدگیاں بڑھنے کا خدشہ ہوتا ہے، پاکستان میں اب بھی تقریباً 30 فیصد سے زائد لوگ ویکسینیشن سے دور ہیں۔ 2023ء میں بچوں میں خسرے کے 36 ہزار سے زائد کیسز رپورٹ ہوئے۔
