61

یکم ستمبر سے پٹرول 20روپے لیٹر مہنگا ہونے کا امکان

Spread the love

اسلام آباد(مانیٹرنگ ڈیسک) پٹرولیم مصنوعات پر سیلز ٹیکس عائد ہونے کے باعث آئندہ ماہ کے پہلے 15 روز کیلئے پٹرول کی فی لیٹر قیمت میں 20 روپے تک اضافے کا امکان ہے۔پاکستان کی طرف سے عالمی مالیاتی ادارے (آئی ایم ایف) کو بھیجے گئے لیٹر آف انٹینٹ کے مطابق پٹرولیم مصنوعات پر سیلز ٹیکس

عائد کردیا گیا جبکہ زرعی شعبے کی ٹیکس چھوٹ ختم کیے جانے کا امکان ہے. ” پاکستان ” کے مطابق رواں مالی سال اکتوبر سے پٹرولیم مصنوعات پر 10.5 فیصد سیلز ٹیکس عائد کیا جائے گا، ٹیکس اہداف میں کمی ہوئی تو زرعی شعبے کی سیلز ٹیکس چھوٹ ختم کر دی جائیں گی۔ایل او آئی کے مطابق آئی ایم ایف کو یقین دہانی کرائی گئی کہ زرعی ادویات، کھاد، ٹریکٹرز پر سیلز ٹیکس چھوٹ ختم کر دی جائے گی، زرعی شعبے پر ٹیکس چھوٹ ختم کرنے سے 150 ارب روپے کا ریونیو حاصل کیا جا سکے گا، سگریٹس پر بھی مزید اضافی ٹیکسز عائد کر دیئے جائیں گے۔، شوگر ڈرنکس پر ٹیکسز عائد کر کے 60 ارب روپے تک کا ریونیو حاصل کیے جانے کا امکان ہے، رواں مالی سال پہلی سہ ماہی میں اہداف حاصل نہ ہوئے تو اکتوبر سے اقدامات کیے جائیں گے۔

اس خبر پر اپنی رائے کا اظہار کریں

اپنا تبصرہ بھیجیں